Kurti me kryeministren e Finlandës bisedoi për rritjen e numrit të ushtarëve finlandez në Kosovë

18:37 | 17 Janar 2023
E.H

Kryeministri i Republikës së Kosovës, Albin Kurti ka takuar Kryeministren e Finlandës, Sanna Marin, në margjina të Forumit Ekonomik Botëror që po mbahet në Davos të Zvicrës.

Duke e falënderuar për kontributin e Finlandës për Kosovën para dhe pas shpalljes së pavarësisë, Kurti theksoi marrëdhëniet e mira mes dy vendeve.

Kryeministrja Marin shprehu mbështetjen për Kosovën për anëtarësim në Këshillin e Evropës dhe në Bashkimin Evropian.

Përmes një komunikate për media nga Zyra e Kryeministrit bëhet e ditur se u bisedua për rritjen në 70 të numrit të ushtarëve finlandez në Forcat paqeruajtëse të NATO-s në Kosovë (KFOR).

Kurti theksoi se Qeveria e Republikës së Kosovës është e përkushtuar për reforma strukturore në ekonomi, politikë, sundim të ligjit dhe demokraci funksionale në përputhje me standardet evropiane, për marrëdhënie të mira fqinjësore dhe bashkëpunim rajonal./arbresh.info/

​

Shpërndaje në rrjete sociale

Lajmet më të lexuara

Të ngjashme

Foto lajm